جريدة مرايا

الحقيقة كما يجب

نقطه من اول السطر من الاخر.. المطلوب ايه٠٠!

بقلم حماد مسلم
في الحقيقة دوما تكون مؤلمة وفي العاده الجراح الشاطر دوما بيده مشرط ولا يعرف مسكنات البتر اسلك الطرق للعلاج ولا داعي للمسكنات يعني من الاخر كده عايزين ايه ..مسكنات ولا علاج بس خدوا بالكوا العلاج مؤلم ومحتاج وقت مش قصير ولا طويل لكن هناك بعض الوقت للعلاج …نعم المسكن يجعلنا نشعر بالراحة لبعض الوقت وندمنه ونلعن ابو البتر تلك عزيزي القاريء حالتنا الان عند علاج اي مشكلة نلجأ للمسكنات وعندما نلجأ للجراح الشاطر تقوم الدنيا وتتحط وتتهد من فوق لتحت زي مايكون كده عايزين مسكنات في حقيقة الامر شبعنا خلاص مسكنات وقرفنا من كتر التصريحات والاونطه شربناها في كاسات وتجرعنا مرارة القرارات واتدبحنا بسكينه تلمه بارده يعني عذاب في عذاب وفي الاخر لما نجيب من الاخر اللي يتقمص واللي يلوي بوزوه ويلوم لما نفتح ملفات الشمال …عزيزي القاريء اذا كنا نمر بمرحلة في حقيقة الامر صعبة الصعوبه في اننا لا نعي للمرحلة ولا نعرف سبل النجاح ولا الخلاص منها بطريقة تأهلنا لمعرفة النجاج اللي غايب عننا من فتره اليوم ياساده نعالج امورنا بالمسكنات في كل مؤسستنا وكأن الفساد ده واحد من اهلنا والكلام عليه حرام وممسوك في شقه اداب ولا مرتدي لبس خارج وفاضح احنا عايزين ايه بالظبط نفتح الشباك ولا نقفله البيضة ولا الفرخة مسألة جدليه لا نجد لها حل غير اننا امام مشكلة بالفعل باختيارنا للمسكنات واظن ان اختيار المسكن نتيجة ضعف صاحب القرار فالقياده قرار نعم القياده قرار يامن تمسكون العصا من المنتصف نحن لسنا دعاة للتحزب ولا دعاة للعصيان نحن ندعوا ان نكون بني ادمين وااكد لسنا مع احد ضدد احد ولا نشير لاحد ولا نتهم احد بعينه بل كل سعينا ان نفتح ملفات منها ملف الفساد الواجب علينا ان نشير اليه ونطالب بالقضاء عليه لاننا نؤمن لابد من ان نتكاتف جميعا مع النظام للتصدي للفاسدين في كل مكان ومحاصرته وكشفة للرأي العام والمسألة امام الجهات المنوط لها ان تستجوب وتستخرج الحقائق فاننا فقط نشير لا نتهم نلقي الضوء ونفتح صفحات في الملف فالقضاء علي الفساد في مؤسستنا يحتاج لجهد مش طبيعي ومطلوب التكاتف من اجل اولادنا ومستقبلهم لان الفساد للاسف عشش في المؤسسات من سنين حتي فقد المواطن الثقة بينه وبين الحكومة نتيجة الايادي المرتعشه ولذلك سيبقي السؤال من الاخر عايز ايه ٠٠! عن نفسي عايز علاج مش مسكنات يابتوع المسكنات
……………..الخلاصه
مصر بتتغير وتتجه للافضل وخريطه الفساد ملامحها وضحت ويتم القضاء عليها في كل المؤسسات
…………….فيتوووووووووو
اضرب ياريس بايد من حديد عشش الفساد ووطاويط الظلام