جريدة مرايا

الحقيقة كما يجب

نقطه من اول السطر, الفساد يقضي علي احلام المواطنين بقلم/حماد مسلم

الموت يحاصرنا يحصد ارواحا يمنع عنا احلامنا يأخذ منا عزاز علينا يحرمنا من الابتسامات الضاحكات تاخذنا من قوانين ودساتير ترهقنا تعبا تجمد مشاعرنا مقابر ترد الروح وكأن الموت سلعته اصبحت سلعة جاذبة للاستثمار وتمشيا مع سياسة القضاء علي العشوائيات ومع قانون منع البناء تعالوا ياملاك الاراضي وتجار العقارات ويامشيدي الفيلات وتعالوا نشيد مقابر ترد الروح مقابر طريقك للجنه زي القناة اللي بتأخذ المشاهد للجنة ولا اقولك ممكن كمان نعمل مقابر قول كده من نجمه لسبع نجوم ..فالدعوه للمقابر اخذت طريق اخر والناس دلوقتي اللي يملك عين ولا حوش وياسلام لو كان حوش باربع عيون وقول كده مساحة مائة متر يوم ماالدنيا تضيق عليك روح الحوش روحك هترجعلك علطول …عزيزي القاريء فالدعوة للمقابر او الدعوة للموت كلاهما نهاية واحدة يشعر بها المواطن الان وخاصة وانه يشعر انه بالفعل ميت لا قيمة للانسان في كل تلك المهاترات وكل المعارك الناشئة بين الحكومة والمواطن وكأن الحكومة ليها تار بايت عند المواطن والمواطن لايثق في الحكومة نهيك عن دروس التعريض والتطبيل من بعض اعضاء النواب تحت قبة البرلمان مش كفاية عليهم ظلموا الشعب في قوانين تم التصديق عليها لاعدام الشعب مش كفاية وكأنهم يقولون لك الموت يأتي في مصلحة المواطن بكل امانة اول مرة اتفق مع اعضاء البرلمان والحكومة علي الموت فعلا في صالح المواطن ..المواطن ياساده بيموت عندما يأتي محصل الكهرباء وبيموت عندما يأتي محصل الغاز واللي معندهوش غاز بيموت من انبوبة الغاز بيموت عندما يأتي محصل المياة بيموت في دخول المدارس بيموت في الامتحانات بيموت في الاعياد يعني بيموت في السنة كتييييييير لما يموت مره واحده هتكون في صالحة المواطن للاسف انكسر امام ابناءة لعدم قدرته علي حصولة علي قوت يومه وعايزين من المواطن يتصالح علي اربع جدران تؤي ابناءة بس ازاي اصحاب الفيلات والابراج.والشيليهات يعني اقطاع من جديد بجد مقابر ترد الروح …عزيزي القاريء لسنا ضدد النظام ولا ندعو يوما للخراب ولكن نحن نرصد الصوره العامة حتي نضعها علي مكتب المسئول ….المواطن ياريس الغلبان بيقول الضرب في الميت حرام قوانين بتسلخ قبل الدبح ياريس والله المواطن البسيط بيحبك ومعاك لكن من نطلق عليهم الصفوة ياريس مطبلاتية منافقين خمس سنوات تحت قبة البرلمان عملوا بيزنس لنفسهم اصلهم عارفين انهم جاءوا بفلوسهم المال السياسي ياريس والناس محتاجة وربنا يكفينا شر الحوجة ياربس نعلم جيدا ان مصر بتتغير والفساد منتشر ومحاربته صعبة ونعلم ايضا ان الفاسدين وباء علي الدولة ودوما يعطلون ويعركلون عجلة التنمية ومنصات للشائعات المواطن ياريس بيطحن من الحكومة والفاسدين نعم المواطن بين شطري الرحايا ومحصور بين الواح الزجاج اللي بتجرح ومميته
………….الخلاصة
المواطن يحتاج من يأخذ بيده لبر الامان ويشعرة ان الغد افضل ومستقبل اولاده مشرق
…………فيتووووووووو
هو ينفع الواحد يأخذ مدفن متر في متر