كل حاجة نصيب بس نرضى

المشاهدات 68
وقت القراءة:1 دقيقة, 14 ثانية

 

كتب /أيمن بحر

يقص الشيخ أحمد زرد ويقول بنت بتحكي : حبيت ضُرتي اكتر من جوزي نفسه، رغم انه اتجوزها عليا، و كسر خاطري بيها، الا انها طوال عِشرة السنين كانت اخت و صديقة، غلطت فيها كتير، اذيتها كتير، بس هي كانت بتغفر وتسامح عشان عايزة تعيش.
،،
– فالنهاية رضيت، قلت يا بت ده امر ربنا و خلاص مفيش مفر، و بقينا اصحاب، بس ملحقتش اعمل معاها حاجة حلوة و جالي سرطان .. وزني قل قوي، شعري سقط كله .. جوزي بقى يقرف مني ويعاملني اسوء معاملة لحد ما قرر يطلقني ويرميني فالشارع .. و كانت المفاجأة لما قالتله : “هتطلقها تطلقني قبلها انا معرفش اعيش من غيرها”.
،،
– لمدة 4 سنين بتعالج وعاجزة عن كل حاجة، كانت شيلاني من ع الارض شيل، عمرها ما كشرت ف وشي، تطبخ وتغسل و تنضف .. كانت بتبديني ع نفسها ف الاكل والشرب و تقولي هتخفي و تقويني. لحد ما خفيت و ربنا شفاني.
،،
– و فجأة يبجي امر الله ليها و هي اللي تموت. كان اسود خبر سمعته ف حياتي، حزنت عليها اكتر ما حزنت ع موت امي، و بكيت عليها شهور طويلة، و لما اخدت ورث ابويا عملتلها صدقات جارية ف كذا مكان ولحد ما اموت مش هنسى انها كانت احن عليا من اهلي و بنتي و جوزي.
،،
– الخلاصة : كل انسان بيدخل حياتنا له دور .. لو ربنا كتب عليك طريق متستصعبوش، ارضى، انت متعرفش قضاء ربنا هياخدك ع فين .. لو الست دي جوزها متجوزش عليها كان ممكن تموت بالسرطان ،، كان ممكن متلاقيش اللي يخدمها .. ربنا بيسخر جنوده لتأدية مهام سبحانه محددها ليهم .. ارضوا بالنصيب.

Happy
Happy
0 %
Sad
Sad
0 %
Excited
Excited
100 %
Sleepy
Sleepy
0 %
Angry
Angry
0 %
Surprise
Surprise
0 %

اترك تعليق