“عالطبلية”بقلم: ريم جابر

“عالطبلية”بقلم: ريم جابر

المشاهدات 102
وقت القراءة:34 ثانية
عالطبلية زمان كانت ناس طيبة تتلم
تجمعهم لقمة حلوة قرابة وصلة الدم
كانت قلوبهم على بعضهم
اخوات وحبايب واولاد عم
كانت بيوتهم بسيطة جريد وطين
وبال مرتاح ولا يعرفوا طريق للهم
دلوقتى صبحت قصور وعماير
خربانة فيها القلوب ويا الضماير
مقفولة ابوابها على ناسها
والغش والنفاق هو اللى ساير
وناس مهاجرة ارضها وعايشة
بتتوهم وبتدور على كنوز وحفاير
واهى دنيا تلاقى فيها الطيب
والردى والمهتدى والحاير
واللى قلوبهم صبحت حجر
تلاقيه على الحقوق جاير
وناس بتتكلم على الأصول
وناس على الأصول بتتعاير
هنا ناس عايشة فى همها وحزنها
وهناك ناس كالطير فى السما طاير
الناس كل همها تجمع وتكنز
كنوز وفلوس حتى لو مش حقها
والكفن مالوش جيوب
واهو كله للتراب زاير
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Share

اترك تعليق

%d مدونون معجبون بهذه: